女藝人每逢出席公開場合,例必打扮得花枝招展,但每次出門之前都要用唔少時間「重組」自己嘅五官,需時因人而異,至於官恩娜(Ella)同小小So講,佢要20分鐘至1粒鐘不等,十分姿整!
小小So:你每日出街都要化妝,會唔會覺得好煩?
Ella:習慣咗啦,我已經變咗熟手工廠女工咁!
小小So:最快可以幾耐出到門口?
Ella:最快20分鐘就可以,最耐試過化成個鐘,當然係出席啲重要場合先化咁耐啫!
小小So:好厲害,係咪隨時隨地都化到?
Ella:係㗎!我試過一邊坐車一邊化妝,仲要畫眼線,我都覺得好犀利!