為善最樂的黃家強，隨佛教團體遠赴非洲馬拉維探訪孤兒院，由於當地學位不足，家強希望為他們籌款興建學校：「雖然學習環境唔理想，但佢哋好有Heart去讀書，好乖、好有紀律。」今年六月，家強將聯同張學友及關淑怡舉行音樂會，為這班孤兒籌款建校，屆時部分孤兒亦會來港參與演出。
雖然孤兒院位於偏僻地區，設施簡陋，但家強毫不介意入住：「可以體驗佢哋生活，每日同佢哋食早餐、食齋，同佢哋一齊唱歌。」他亦明白今趟探訪經費有限：「住酒店好嘥，梗係慳得就慳！冇理由嚟幫人去住五星級酒店。」家強大讚孤兒學習能力強，並笑說：「佢哋不但好畀心機讀書，音樂感又好，我唱歌畀佢哋聽，唱兩次佢哋已經識得跟住唱。」
身在非洲的家強，每日都有跟太太及兒子通電話，他坦言囝囝一句「好掛住你」，令他心都軟埋：「真係鬥唔過啲小朋友！（追多個？）隨緣啦！」