31/03/2010

播放本新聞相關短片

周秀娜歌星夢一碟玩完

性感模周秀娜昨日偕跳舞組合Bro5到電台宣傳，初試啼聲的她表示，今次特別為網絡遊戲獻唱：「係廣告商要求我唱埋主題曲，所以試吓錄音出隻碟，但真正做歌手出唱片就唔會！（對自己把聲冇信心？）唔係！我把聲粗中帶Man，老師話夠特色，不過出碟要錄成十首歌，壓力真係好大！」而Bro5成員喇英曾擔任周秀娜排舞老師，大讚她有跳舞潛質，可嘗試向跳舞方面發展。