本文重點
劉青雲與老婆郭藹明昨日拍拖出席活動晒恩愛，青雲寄語官司纏身的好友吳鎮宇日後戒衝動，以免惹麻煩，但又坦承藝術工作者情緒波動在所難免，更自爆亦有鮮為人知的一面。劉青雲昨日與老婆郭藹明出席品牌活動，席間二人打情罵俏，青雲更尊稱老婆為「劉太」，並說：「佢話我冇新出嘅電視機咁多功能喎！」笑爆全場。提到老友吳鎮宇明天就早前的衝突事件上庭應訊，青雲指對方心情沒有異樣：「佢唔緊張，但希望佢以後可以冷靜同清晰啲！（個個老友都情緒化？）做得呢行好難避免情緒波動，如果冇都畀人話唔係好演員！（你係最正常嗰個。）我有你哋唔知！」
恨做「3D影帝」
提到早前出席電影公司新片巡禮，宣傳與任賢齊及何韻詩合拍的杜琪峯新片《奪命金》時，曾笑言再見兩位拍檔將是首映當晚，昨日青雲解釋：「我哋三個冇對手戲，串連埋我哋嘅係盧海鵬！依家唔知個古仔講乜，不過阿杜日日都有新主意，一日未拍完、未剪完片，相信都唔知最尾係點定案！」而五、六月左右拍竣《奪》片後，青雲尚有幾個劇本洽談中，由於潮流興3D，他笑言最好能當個「3D影帝」。
