鍾蕙芝、高海寧、沈卓盈及A. Lin昨日穿上女僕裝出席《托盤競跑大賽》，TVB兩大新咪神高海寧及沈卓盈以保守打扮不敵狂谷「事業線」的Lavina，其頸上的小領帶更垂到深溝之間，令人想入非非，無論打扮及競步均跑贏成條街，惟Lavina否認露肉搶鏡：「衫係大會提供o架，我都係聽公司話先着！（刻意谷胸？）今日好凍，冷縮熱脹，谷就冇，縮就有！」身材平平無奇的A. Lin被搶盡「峰」頭，坦言自卑的她說：「大家賣點唔同。」並死撐說：「大得滯做運動會阻住，我有朋友大到腰痠背痛！」身旁的Lavina聞言即說：「我有，朋友成日問我升Cup方法，其實天然就OK，唔需要加工，再加工負擔唔到真係腰痠背痛！」

高海寧讚沈卓盈Sweet

而高海寧及沈卓盈一身保守打扮未能突圍而出，問到被Lavina搶鏡時，兩人即傻笑說：「唔同衫着喺唔同人身上有唔同效果！（公司唔畀太性感？）都唔係，性感都要睇場合！今日做女侍應，餐廳好少見到侍應着成咁！（你哋係新咪神喎？）多謝咁睇得起我哋！（受得起？）OK啦！」問到對在場四人的身材有何評價，高海寧不忘為自己及沈卓盈加分：「咁我高啲！沈卓盈就Sweet啲！」

身材平平無奇的A. Lin，面對「峰」騷的Lavina即嗌自卑。

TVB新咪神高海寧（左）及沈卓盈，感謝傳媒賜予新封號。