與郭富城打得火熱的熊黛林（Lynn），昨日偕唐貝詩（Lydia）、莊思敏及周永恒夫婦等出席金田日本料理的開幕活動，Lynn表示媽媽剛由南京來港探望，被問到會否帶城城見家長，Lynn風騷反問：「又見？」當被追問是否已見過多次，她說：「梗係冇啦！係你哋上年寫見過一次！」Lynn自爆從來沒有帶男友見家長：「唔可以亂帶男仔見，父母會覺得認定o架！（未認定城城？）唔係。（即係認定？）又唔係。（先結婚再安排見家長？）咁又遲咗啲，要講時間同埋感覺。」她又表示城城未有要求見父母，強調雙方都沒有見過家長。