杜汶澤及李彩華前晚出席電影《外星51》首映禮，李彩華宣布正式與寰宇脫離賓主關係，比合約到期日早了兩年，她說：「我賠咗七位數字離開，依家簽咗Golden Scene。（又做一姐？）唔好講呢啲，好驚。（年期？）冇咁細節，佢會幫我發展電影同電視。之前嗰間係電影公司，但我兩年冇拍戲，新公司會畀機會我。」有傳她提早離巢是不滿公司將全部資源投放在師妹江若琳身上，她說：「我一向冇用公司資源，自己揸車出入，其他支出都係朋友幫助。（叫男友王傲山送八位數，填補七位數字賠償？）我都想呀！佢好支持我嘅決定。」