樂壇校長譚詠麟（阿倫）昨日出席足球員的招募活動，對於Sa基宣布離婚，阿倫認為兩人瞞婚有理：「記者會搞到好似犯咗罪咁，其實冇必要啫！唔講一定有佢哋苦衷，私隱係基本人權，唔好抹殺，又唔係咩彌天大罪。（唔講都唔應該講大話？）根本就唔使講，大家逼佢講咪惟有講大話囉！又唔係傷天害理、殺人放火，畀番啲空間大家啦！」阿倫表示跟Sa基兩人不熟，提到好友兼鄭中基父親鄭東漢，他說：「我前排睇BIG FOUR演唱會撞過佢，仲問佢個仔生唔生性，佢話生性。」
另外，森美昨日出席活動時被問到好友鄭中基與阿Sa婚變，他笑言不是「太子黨」，從不清楚Ronald婚姻狀況，但見老友哭成淚人亦感心痛。
至於鄭嘉穎昨日接受電台電話訪問時，談到Sa基離婚，他說：「公唔公開，當事人有權自己決定，個人睇唔覺得有任何做錯。（你結婚會公開？）睇好多因素，睇吓適唔適合，都希望公開。」