人氣o靚模Angelababy被踢爆與緋聞男友黃曉明在北京夜蒲兼拖手，昨日身穿Topshop露肩裙的她與Rosemary等出席活動，雖然繼續否認，但態度則比以往開放，有問必答！Baby自爆曾致電男方談及此事，被問到黃曉明的反應時，她即顯得言聽計從：「佢話順其自然！」問到兩人關係被指愈趨親密，Baby也顯得非常受落，她說：「上年第一次見，到依家熟啲好正常。」當問到黃曉明有否追求時，她雖表示感受不到，但公開承認與對方OK夾，更隨口便噏得出他的生日日期：「佢同經理人係同一日生日，係十一月十三日！（咁到時揀經理人定緋聞男友慶祝？）梗係經理人啦！」
另外，Baby在日本模界繼續成為搶手貨，先後登上時裝雜誌《Nylon》的封面及成為百貨公司Lumine廣告女郎。