賭王三太陳婉珍前晚偕女兒超雲及超蓮出席《東風破》首映，同場還有女主角何韻詩及捧場的劉浩龍及楊千嬅等。超蓮身穿低胸裝示人，甫出現即成為風頭躉，她除了捉着何韻詩合照外，又自爆母親不想她太性感。對於女兒的言論，三太笑說：「冇話唔畀佢哋性感，係唔好太過性感啫！（叫佢哋唔好公開同男朋友親熱？）講過吓囉！呢啲唔係嚴，但要有規矩，不過有時佢哋都會失憶，唔記得我講過啲乜。」

超雲與超蓮在場不時玩自拍。

何韻詩新片首映，前緋聞男友劉浩龍亦有捧場。

談到四房女兒超盈早前到機場接男友機時，公然溫馨晒幸福，超蓮說：「係咩？我唔知喎！我為人比較保守，男友都知我唔可以咁做。」她又維護超盈，表示可能她與男友分隔太久，加上不知有傳媒在場才「破例」。在旁的超雲亦贊同超蓮講法：「太過親密舉動要留番喺屋企先，男友都知我唔可以（公開）錫錫。」同樣蜜運中的二人，又異口同聲表示暫未有結婚計劃。

何韻詩變性感媽媽

而同場的何韻詩表示在片中扮演一名三、四歲小朋友的媽媽，且性感溫柔，與現實的她大相逕庭：「個小朋友仲要好似我，想契咗佢。（恨生BB？）不嬲都鍾意，只係唔可以單細胞繁殖啫！」千嬅則透露老公已過看她的新片，並大讚感覺甜蜜又輕鬆。