周潤發夫婦昨日出席活動，對於Sa基「先婚後分」，還被公開美國婚書，問發哥會否覺得藝人講大話不對，他說：「我信有苦衷嘅，阿Sa 06年結婚，可能佢如日方中，驚失去Fans，原諒佢哋啦！有情人終成眷屬就由得佢，又唔係做壞事。（佢哋開記者會係咪要認？）講繼續分手？ 如果真的假不了，假的真不了嘅。」發哥亦表示有留意陳志雲涉貪的報道，但指案件正調查中不便評論。至於曾公開稱讚陳法拉的他，對於對方入圍今屆金像獎新人獎，笑言仍未欣賞對方的入圍作品。
早前拍畢英皇電影《讓子彈飛》的發哥，預計休息數月才復工，他表示與杜琪峯的合作計劃在準備中，雖然阿杜出名慢工出細貨，但發哥笑言即使沒有劇本也能接受。
莊思敏：好尷尬！唔知恭唔恭喜佢哋，又同一時間分手。（覺得佢哋好假同講大話？）佢哋承受嘅壓力已經畀一般人大！都要選擇留私隱畀自己。
陳豪：人哋嘅家事，我最好都係唔理。（你結婚會公開？）唔會特別公開承認，但唔會唔認！
梁漢文：一路知佢（鄭中基）拍拖，結婚都會講祝福。（講咗分手喎！）唔知，雖然同佢好熟，佢想講咪講，暫時冇講過，佢性格唔會主動講，我又唔會主動問，點都好，最緊要生活愉快。
張敬軒：同阿Sa係會傾私人嘢嘅朋友。（透露婚訊？）冇，唯一知道佢哋係互相了解下分開。（私下同你講？）係，不過如果佢哋可以走落去，我覺得Ronald係好老公。
Janice Man：係兩個人嘅事，畀空間佢哋。（你結婚會公開？怕唔怕被揭發？）我好誠實，一定冇結婚，我咁細個。（阿Sa結婚時都好細？）結婚冇年齡界限。
鄧萃雯：我相信每個人都想將結婚喜悅講出來，但基於好多未成熟因素而唔講，公開咗就要向所有人交代，有啲小事都變成大事而解決唔到，好可惜。
周中：佢（鄭中基）結婚咩？恭喜晒！佢哋班人唔會講結婚，我估佢係被迫結，因為結婚係傳染病。
楊思琦：藝人都係正常人，要家庭同愛情，被揭結婚都冇乜大不了，又唔係唔見得光！
網友：有的認為好多藝人講大話，亦有力撐二人可能冇分手而轉地下情。網友Charlielle：「阿Sa一直都冇否認已婚。」網友健Sir認為不關自己事，望大家多給二人空間。