剛完成首次演唱會的樂隊Mr.熱爆紅館後，獲廣告商大力支持，豪花六位數字度身訂造「Mr.音樂車」，在銅鑼灣及旺角出巡。Mr.表示歡迎途人隨時上車一齊玩，結他手Dash更笑言想揸走專屬大貨車：「車入面有晒鼓同結他，真係好正，任何人只要興起都可以上嚟打吓個鼓、彈吓結他！」主音Alan大讚車廂設有多部攝影機，以180度拍攝大家玩音樂的過程：「車出面仲有好多我哋演唱會嘅相，好正、好有型！」問到何時開Part 2演唱會，Dash表示要炮製多些歌曲才諗，並揚言：「如果開就要開夠10場！」

賣口乖請飲嘢

Mr.明天（27日）將首次在音樂車上做騷，鼓手Tom興奮地說：「到時喺戶外玩，大家一齊唱一齊跳，希望好似音樂節咁熱鬧就好！」身旁的Ronny即賣口乖說：「到時會請大家飲汽水，唔使熱親啲歌迷！」而結他手MJ透露，近日愛上寫Blog，早前到荷蘭旅行充電的他，預告稍後會放相上網與歌迷分享。

「Mr.音樂車」駛到鬧巿，讓Mr.與途人能即興一齊玩音樂。

放大圖片