梁敏儀早前與《安非他命》演員同獲邀參加柏林影展，首次踏足柏林的她展開十天難忘之旅。談到對當地的第一個印象，梁敏儀說：「嗰邊日日都零下4℃，真係好凍，我都未試過去咁凍嘅地方，今次專登買咗對雪靴，可以保暖又防滑，但條路真係好滑，試過有日着住對5吋高踭鞋，好靚咁落車，但就成個跌低咗，膝頭都流晒血，依家仲有疤痕。」
難得參與國際性影展，梁敏儀看了多部電影，並拿了不少電影介紹資料與朋友分享。大隊還相約遊名勝，一睹柏林圍牆及著名古堡，梁敏儀說：「最令我意外嘅係當地的士好貴，我哋兩架的士行咗半個幾鐘，竟然用咗三千蚊港紙，大家都講笑話夠買一張香港去台灣嘅來回機票。」
