歌手郭穎橋所屬唱片公司Boxing Promotions Ltd.於去年底解散唱片部員工，同門歌手李卓庭已轉投其他公司，留下葉宇澄與她，雖然工作暫時叫停，但阿橋對公司仍投信任票：「公司處理緊嘅係大人嘅事，我係小朋友唔會多問，總之等公司安排，佢哋對我好好，依家係儲備期，學吓唔同嘅嘢，裝備好自己先！」
早前趁空檔到外地旅行的阿橋，興奮地大談一間人手做鞋的店舖：「我係個『鞋迷』，好鍾意買鞋，可惜佢哋話訂造要兩日，我都要走喇！」買不到鞋，她遂走到衣車前扮做鞋，期間忽發奇想：「我幫老闆諗咗條好橋，叫佢加多啲布料同配件，仲提議佢開班，或者畀旅客親手做鞋，個老闆都話有得諗o架！」
