憑與陶喆傳緋聞而出位的岑潔儀（Zoey），揚言目前以事業行先，感情暫時退居次位：「八十後女性要自強，依家專注工作先，唔想拍拖住！」雖然未想行動，但幻想總是免費的，曾與台灣音樂才子陶喆傳緋聞的她，始終對台男情有獨鍾：「阮經天同吳尊簡直係我嘅白馬王子！犀利哥都好犀利，好瀟灑，我都鍾意呢類型男！」問到愛唱K的她，平日可有點陶喆的情歌？她尷尬地表示朋友會點：「不過聽到都冇乜感覺！」

全裸都唔拘

Zoey早前簽約新經理人公司，將全力主攻主持及拍電影，她期望為大家帶來全新感覺：「我會行比較型格嘅路線，唔會再咁小妹妹！」向來愛演戲的她揚言只要角色夠「爆」，絕不介意在戲中扮醜或裸露：「我不嬲好鍾意吳君如，佢好搞笑！我唔介意做醜角，反而人哋會睇你演技，最緊要有人記得！為電影全裸都得，不過只係背面，前面我仲未接受到！」

Zoey揚言不介意在電影中全裸，不過只限背部。

Zoey提倡八十後女性要自強，就算扮醜裸露都不拘。