本文重點
楊千嬅跟余文樂（阿樂）合演電影《志明與春嬌》，在鏡頭前大講粗口及吸煙，患有哮喘及鼻敏感的千嬅，接受《娛樂on Show》訪問時，大談拍戲的苦況。
由於新戲充斥着大量粗口，因而被列為三級片，但他們並沒有感到失望，余文樂說：「其實套戲真係好生活化，對白應該好多人都會講過，可能電檢處個尺度唔容許，我都冇辦法。」但他們不贊成為了遷就電影尺度而刪剪劇情。當ontv主持俞詠文問及拍《志》片的苦處時，千嬅即大呻每天狂食煙，令她相當痛苦，再加上她患哮喘及鼻敏感，簡直要了她的命：「我直頭食煙食到想嘔，同埋拍戲嘅時候會熄冷氣，焗埋焗埋搞到成間房都煙霧迷漫！」
改成熟戲路
余文樂亦大表怕怕：「拍戲嘅時候真係要成日食，尤其係當你唔想食又要逼你食，都真係幾痛苦，拍完之後有一排我都冇食煙啦！」
兩人今次在戲中的角色都很內斂，跟以往飾演的角色很不同，余文樂在戲中的角色比較少說話，千嬅認為他這個角色可以增加他的女性市場。而向來以「大笑姑婆」形象深入民心的千嬅亦一改戲路，演出充滿成熟味道的女人，連余文樂都稱讚她演出自然！