梁政珏（Jeanette）收藏紅酒除為品嘗外，亦因紅酒具有升值能力，她的收藏品中，現值一千多元的Grand Vin de Leoville原來可保存幾十年，隨時可能升值幾倍，她說：「我本身真係好鍾意飲紅酒，而我有個朋友喺一間紅酒批發公司做嘢，我通常會叫佢幫我買，佢都教識咗我應該點樣飲紅酒！」

飲幾杯身體好

Jeanette首次愛上喝紅酒是在美國讀大學的時候：「喺美國行超級市場見到有紅酒賣，咁我貪得意買一支，真係好好飲！」自此便發現飲紅酒對皮膚好，又可促進血液循環，故每晚維持喝一至兩杯紅酒才睡覺！對Jeanette來說，飲紅酒是一門很高深的學問，因此她常常看書研究，近日更與品酒師Marco Vazquez學品酒：「其實學飲紅酒都可以係一個好有趣嘅嗜好，我睇書都學咗好多，而跟好似Marco咁嘅專家學就會學得快好多啦！」

Jeanette在品酒師Marco的教導下，學識不少歎紅酒的知識。

這支有個心形標籤的紅酒，原來是釀酒師最鍾情的。

城中名人愛紅酒

黃宗澤（Bosco）

Bosco最愛儲紅酒，早前為無綫拍攝一個介紹紅酒的節目《尋味葡萄》，而他亦曾表示想搜購一支與胡杏兒出生年份相同的紅酒送給她。

賈曉晨（JJ）

前年開始JJ便培養研究紅酒的興趣，去年亦出席多個紅酒公司活動，早前曾懇求朋友送貴酒給她。

徐子淇

千億新抱徐子淇與老公李家誠愛靚紅酒，更特別訂了二百支屬兩個女兒出生年份的紅酒，作為她們將來結婚之用。