搞笑高手吳君如與詹瑞文，在新片《美麗密令》中互爆笑彈，阿詹在戲中扮演有酒凹的電視台高層，君如說：「詹Sir好嘢吖！我都唔知攞景定贈興？不如話『如有雷同，實屬巧合』。（同阿詹合作擦出火花？）喜劇演員向來鍾意掟橋，同佢合作我好放心，佢仲教我做o靚模要記得擘大個髀。」
阿詹亦向君如笠高帽：「君如係好出色嘅喜劇女演員，好開心終於同佢合作，今次套戲有好多話題，我扮電視台高層人物，用一種過度活躍嘅方式去演，例如：三句說話要用二十句嚟講，請食飯、做司儀、做節目無時無刻處於好High狀態，仲要乸乸哋添！（驚唔驚被指醜化？）我冇醜化，個角色寫成係咁！」
