美國潮牌EASTPAK新店昨日開幕，組合HotCha及Square擔任大會模特兒，o靚模A.Lin、DaDa、陽光妹Leanne及周柏豪等應邀到場支持。以背心熱褲示人的A.Lin與DaDa透露，今年會以組合形式推出寫真集，A.Lin說：「嚟緊會去日本為新嘅寫真集取景！（有咩賣點？）我哋有素顏感覺，所以純情啲！（有冇床照？）當然都會有，上年都有啦！（怕唔怕唔夠周秀娜撼？）我條線（胸前事業線）唔夠佢勁，睇吓我同DaDa兩條女夠唔夠撼啦！」

HotCha行騷畀仔攬

此外，HotCha行騷時被Square四子又孭又抱，場面搞笑。HotCha坦言行時裝騷時大感尷尬，成員Regen說：「原本綵排嗰陣啲動作仲搞笑，但係頭先就有啲生硬囉，因為我哋冇模特兒嘅身形又唔夠高，所以要諗啲變化，希望感覺得意啲！」

HotCha成員Regen行騷時被抱起。

DaDa將與A.Lin到日本拍攝寫真集，準備加入書展的寫真戰團。