周柏豪與港男袁偉豪前晚演出舞台劇《我不要被你記住》，吸引柏豪緋聞女友鍾浠文（Zelia）、薛凱琪、方大同、楊思琦、董敏莉及楊愛瑾等捧場。當影大合照時，柏豪和Zelia刻意保持距離，中間隔着董敏莉，記者示意董敏莉不要做「電燈膽」，醒目的她即時閃開，連柏豪的老闆也看不過眼說：「等佢同女朋友影張先。」

怕醜仔柏豪即一臉尷尬，記者再要求兩人合照，Zelia大方行近兼伸手恭喜他，反觀柏豪卻生硬地笑笑口遮掩尷尬，並說：「多謝！」兩人貌合神離，柏豪合照後更極速返回後台。Zelia投訴柏豪要她買門票，問到知否柏豪在劇中與兩女演員咀嘴？她說：「都係睇報道先知。（呷醋？）唔會，工作之嘛，我都想睇佢咀嘴。」

柏豪在處男舞台劇中咀女，未有向Zelia備案。

薛凱琪前晚捧老友柏豪場。

請食飯補鑊

其後柏豪得悉Zelia投訴，即補鑊說：「請番佢食飯補數。（合照尷尬？）本身冇事，老闆咁講就覺得尷尬。（佢用女友形容Zelia？）佢成日亂噏，個個都話係我女友。」因袁偉豪在劇中以「激凸」造型亮相，問到是否夠膽只穿內褲演出？柏豪即大講有味笑話：「我又長又粗，我指條腿同大髀。」