自男友尹佬逝世後，米雪一直積極工作，昨日她出席無綫綜藝節目的「晒冷」記者會時表示，會為節目《台北故宮的秘史》擔任主持，並坦言心情已平復。談到明日在青衣運動場舉行的尹佬惜別日，她希望帶歡樂給大家：「男友都鍾意帶歡樂畀人，我已經準備咗佢嘅球衣畀大家影相，儲咗廿多年！」她又透露撰寫悼詞時曾落淚：「少少啦！」問到無綫舉行記者會是否「穩定軍心」時，她說：「唔係！無綫有好節目就會介紹，一啲都唔擔心公司！」

志偉贊成友情價

同場的曾志偉、汪明荃（阿姐）及錢嘉樂等人均不認為記者會是為「穩定軍心」，志偉說：「公司話有新一輪攻勢，我喺內地都被召返嚟！（陳志雲涉貪事件影響軍心？）或多或少都有，大家接嘢小心啲囉！（接Job係咪收足？冇壓價？）友情價永遠都會！我唔覺有問題，壓價只係一個詞語，有啲藝人冇嘢做都甘於咁做啦！」至於無綫製作部總監何麗全表示，已物色到主持開設新清談節目頂替《志雲飯局》，但拒透露詳細內容，只透露主持是男性，而且不只一個。錢嘉樂則坦言曾與涉貪監製錢國偉吃飯，並指對方心情已平復。此外，對於節目《荃加福祿壽》被指涉抄亞視的《香港亂噏》，阿姐說：「黐線！扮嘢都係《歡樂今宵》開始，邊個抄邊個好難講！」

志偉（左起）、江欣燕、金剛及錢嘉樂齊齊主持獎門人，新鮮感十足。

阿姐否認《荃加福祿壽》抄亞視節目，更直斥報道黐線。