昨日名模熊黛林（Lynn）為《Hugo Boss 2010 早秋時裝預展》示範新裝，對於有傳緋聞男友郭富城代她支付新居租金，她澄清租金由她支付，問到城城有否提議出錢交租？她說：「畀得起梗係自己畀。（唔需要男友資助？）我一個人係Single，要獨立啲。（感情有變？）我嚟香港咁耐都係自己照顧自己，唔想麻煩到人。（城城提議同居？）點會無啦啦講話搬唔搬呢？」問到若城城代交租會否接受？Lynn說：「唔會！我自己畀（錢）都畀人咁講，如果將來男友畀錢交，唔知人哋點寫！依家我理直氣壯講呢間屋係我自己交租！」提到有傳城城孤寒，Lynn即表示唔識答，問到平日吃飯是否要夾錢給城城？她說：「唔會。（佢豪爽送禮？）未有呢啲事發生，答唔到。（出街係城城畀錢？）總之我冇畀過錢！」