余文樂與楊千嬅前晚出席新片《志明　春嬌》首映，提到郭富城被指買樓贈女友熊黛林，實行金屋藏嬌，其好友余文樂即表示不知情，問到可有此打算？他說：「藏我阿媽囉！其實好難藏，記者實會知！」很久沒有拍拖的樂仔自言現在「Dry到阿媽都唔認得」，更笑言要「送樓徵女友」，呼籲有興趣者找他！

清楚老公行蹤

問到可有女性朋友介紹給樂仔？千嬅說：「我好少做媒人，多數係大班朋友出嚟聚會，佢哋自己搞掂。」對於樂仔「送樓徵女友」，千嬅笑說：「送樓？我都生唔切！」問到可會介紹女友人給前男友鄭中基？千嬅表示話題敏感故不欲多談：「咁敏感，唔答！外人唔應該談論人哋私人生活，係尊重，我畀人講都唔高興啦！」對於老公丁子高未有撐場，千嬅說：「佢今晚有Event嘛！我梗清楚佢行蹤！」前晚出席者尚有導演彭浩翔、吳彥祖、杜汶澤、繆非臨、陸詩韻及林海峰等。

有份參演《志》片的繆非臨以露背裝搶鏡。

彭浩翔（左起）、千嬅及樂仔滿心歡喜宣傳新片。

另外，樂仔、千嬅及彭浩翔早前亮相節目《范後感》谷新片，樂仔大談對姊弟戀的看法，他表示不會刻意留意對方的年紀，但鍾情可以照顧他的女性。