自離開無綫後，王賢誌（Vinci）的敢言形象深入民心，知名度因而大大提高，而他對幕前工作興趣甚濃，問到若TVB邀他回巢又如何？他說：「都會返，唔係憎TVB，我係超級電視精，如果唔係喺TVB點做13年呢？（傳你同崔建邦不和？）同佢冇不和，仲試過一齊蒲，不過啲不和傳聞係令我哋見面時有啲尷尬。（陳志雲早排開記者會？）佢影相時面露笑容，唔會畀人影到一絲倦容同淚光。」此外，Vinci最近變身生意人，除邀得謝賢代言「古漢養生精」外，亦忙於宣傳「感冒X配方」，他說：「以前唔會幫爹哋做生意，但人會變，依家覺得冇問題，而且工作自由度大咗，可以自己分配時間。」
