過氣情侶黎明（Leon）與舒淇，前晚與任賢齊、古天樂、吳彥祖、劉青雲及葉璇等半百演員出席電影活動。身穿Dolce & Gabbana裙的舒淇，與Leon分別代表不同的電影亮相，避過「正面交鋒」，台上台下零交流，不過拍大合照時，二人陰差陽錯站在附近，被記者拍下「合照」。

剛與甄子丹合作拍戲的舒淇還大讚新拍檔：「子丹係鐵漢柔情，拍戲拍到吊鹽水都冇怨言，同太太講電話仲好Sweet，又識彈鋼琴，係第一大好人。（揀男友以佢為指標？）一定，希望搵到個咁好嘅老公啦！」

金句王上身

司儀李浩林以普通話向Leon發問，想不到他竟以英語單句回答，笑爆全場，他亦隨即解畫：「上得嚟只可以選擇講普通話或英文，司儀揀咗普通話，我梗係講英文啦！」其後Leon出席《火龍》首映禮，問他對票房有否信心時，他滔滔不絕地說：「我最怕你哋問三個問題，第一：票房，我專業嘅，拍完已經唔關我事！第二：拍得好唔好，套戲又唔係拍畀我睇！第三：拍戲有冇趣事，拍戲唔係玩，點會有趣事！（喺銅鑼灣爬巨型招牌有咩感覺？）嗰日撞啱有人喺樓下派傳單，我發現佢好Hea，可能嫌錢少，我喺樓上好專業咁拍戲，佢好唔專業咁派傳單！」

黎明再度發揮金句王本色，講英文搞氣氛。

葉璇以超低胸裙赴會，十分搶鏡。

陰謀變陰毛

另外，任賢齊在巡禮活動上被李浩林追問片中角色是否很有陰謀時，竟錯講成「陰毛」，小齊搞笑地說：「我諗大部分人都有！」令李浩林面紅耳赤。事後小齊說：「佢講到好似我講廣東話咁，我曾經想講楊千嬅好『鄰家女孩』，點知講錯成『輪姦女孩』！」