承接去年o靚模寫真戰，榮登三甲的周秀娜（Chrissie）與Angelababy今年宣布再度出戰，更各自透露迎戰攻略，實行先聲奪人！昨日Chrissie以性感Tube Dress出席ToyWatch活動時透露，今年會在書展中再推出寫真，去年她大玩「滴牙膏」成為焦點，問到今年會否有其他噱頭？她即自爆會玩滴蠟：「我講笑咋！滴汗就真，上年本寫真係想畀大家認識我，所以揀咗陽光與海灘嘅地方，今年計劃係想寫真集有故事性。（取景地點？）未定，希望拍攝地點可以衝出東南亞！（全裸？）唔知o架！總之三點不露啦！（三點留番畀男友？）我好準時，我男友三點就會蒲頭，所以我三點會露畀佢睇。」她還大搞爛Gag，又笑指男友Avis同樣喜歡曬太陽，所以「見得光」，可以一齊上鏡。

另一邊廂，其「死敵」Baby亦不甘示弱，據知同樣在今年書展「出戰」的她，將會飛到夏威夷或日本取景，以健康的比堅尼水着迎戰。昨日Baby出席公開活動時，自爆近日成功增磅及升Cup，似乎為寫真集作好準備！她說：「最近好多人話我肥咗。（升Cup？）冇量度呀！啲Bra仲可以用，希望再度發育！（日本隆胸？）暫時唔會，因為自己年紀仲細。」

Baby晒長腿之餘，還刻意戴上搶眼的「a」字鑽石鏈澄清「第三者」傳言！	放大圖片	自爆升Cup的Baby，穿上小背心騷Quali！

暗示有新追求者

對於早前鄭中基與阿Sa分手傳她是第三者，Baby戴上「a」字鑽石頸鏈現身，甜笑拒回應是誰所贈，並暗示有新追求者以示清白，又解釋與鄭中基大纜都扯唔埋，連對方電話號碼都沒有，還希望「Sa基戀」復合。

對於Baby會否在寫真集以比堅尼水着上陣，其經理人Kim大賣關子說：「總之會有驚喜畀大家，今年公司同日本方面都會一齊製作Baby嘅寫真集。（夏威夷取景？）地點、Stylist同班底都仲傾緊，不過我哋都有考慮過夏威夷，因為今次寫真集主題都係健康、開心和舒服，嗰度好適合，而且Baby又鍾意喺嗰度曬太陽。」