樂壇天后容祖兒為演出及宣傳經常做「空中飛人」，但仍能擁有嫩滑肌膚及苗條身形，除了保持心境開朗外，祖兒透露秘訣是用凍水洗面：「就算天氣幾凍，我都唔會用熱水洗面，因為塊面會好乾。我慣咗用凍水洗面，Keep咗呢個習慣29年，又唔使錢，不過有時天氣太凍嘅時候，係需要好大勇氣去做呢件事！」
祖兒表示雖然因工作忙碌而甚少運動，但她仍會爭取寓工作於運動：「我會爭取排舞機會，我要唱多啲快歌同練氣，而且排舞可以排好多汗，有助將身體裏面嘅雜質同毒素排出嚟。」她又表示向來注意飲食均衡：「我已經戒咗肉，食咗好多菜，有時夜晚真係好肚餓，我會烚碟芥蘭醫肚，依家腰圍都有23、4吋，算係幾弗！」
