謝安琪（Kay）與老公張繼聰昨日分別出席活動，皆被追問會否捧陳奕迅（Eason）個唱場。對於徐濠縈公開邀請睇騷，Kay說：「我仲知阿徐叫大家聽到Eason唱我首《囍帖街》時唔好大驚小怪添！我好同意！」Kay自爆親友想跟她入場欣賞Eason的演出，但為免順得哥情失嫂意，故暫時不會往捧場。
張繼聰則否認因避忌而不捧場，解釋是門票難求。對於Kay踢爆他不會捧場，張繼聰即澄清：「有飛就一齊去，Eason開咁多場，希望有期可以睇！（叫Kay問公司攞飛？）我只係知道啲飛唔多，如果有就唔會多多事實，我都好支持佢o架！佢係樂壇中流砥柱！」
