張學友、湯唯、張可頤、安志杰、鮑起靜與盧冠廷等，前晚在九龍灣國際展貿中心出席電影《月滿軒尼詩》首映禮，問到與湯唯有否床戲，學友說：「冇乜，只係同張可頤有少少。（飲恨？）唔會！（咪冇得同梁朝偉比？）冇得比啦！同佢咁熟，唱歌、演技乜都比過啦！（嫌唔嫌床戲少？）冇特別喎！」

悉心打扮的張可頤，穿上花花裙騷美腿。	學友（左起）、湯唯與導演岸西舉杯，預祝票房報捷！	鮑起靜笑到O晒嘴，在旁的盧冠廷（左）及學友眼望望。

老婆唔過問

問到拍親熱戲是否要老婆羅美薇批准，他笑說：「佢都冇問，佢好少睇我啲戲，反而有畀個女睇，但都要揀過，好多時唔可以成套畀佢哋睇晒！」學友當年因拍戲而邂逅羅美薇，更有不少親熱鏡頭，他笑言待女兒長大後才給她們看。另外，對於湯唯獲內地解禁，學友說：「佢OK喎！咁耐以嚟，都感覺唔到佢覺得自己畀人封殺。」

至於湯唯則表示《月》片是她首部港產片，故很希望與內地觀眾見面，但現時還未獲公司通知要到內地宣傳。