惠英紅與黃明慧憑在電影《心魔》中的精湛演技，前晚分別在《第四屆亞洲電影大獎》奪得最佳女配角和最佳新演員。事後兩人拉隊打邊爐慶祝，問到會否乘機加片酬？惠英紅說：「唔會！依家有兩個劇本搵我，我都叫佢哋計咗成本先，唔夠我可以再收平啲o架！」問到是否為金像獎打下強心針？她說：「我真係好恨呀！吳君如係最大勁敵，真係要睇運氣。」至於下個目標是否出嫁？她說：「相士話我出年會派利是，雖然依家烏蠅都冇隻，但覺得凡事都有可能，不過我鍾意年紀大過我嘅，異地情乜都有可能。」她笑言若遇到真命天子，即使拍拖一星期也可結婚。
另外，黃明慧透露曾做過茄喱啡和DJ，幸得《心》片導演看過其作品而邀她演出，令她有機會得獎。
