謝賢昨日為代言的古漢養生精拍攝全新平面廣告硬照，對於兒子謝霆鋒得獎，他說：「未有機會慶祝，等啲後生慶祝咗先，老人家押後。呢個係大型頒獎禮，有好多部片參與，榮譽都大啲。（滿意霆鋒表現？）應該喎！做得呢行，梗係搏老命，老竇都搏老命，佢唔係唔搏呀？」談到新抱張栢芝五月生B，問到是否已準備禮物？他笑說：「畀個心咪得囉！對物質唔係太重視。」
另外，謝賢與女友CoCo往日秤不離砣，但昨日未見CoCo陪伴，原來兩人已成「分飛燕」！謝賢說：「飛咗我囉！啲女人成日飛我，老婆又飛，女友又飛。（唔識欣賞你？）係囉！（幾時？）隨時飛，我畀人欺騙。（原因？）我都唔知。（唔識寶？）係囉！（搵個新？）真係冇辦法，睇天做人，隨遇而安。」他表示現時單身生活忙碌，未想過退休，至於前往探班的三皇集團董事總經理王賢誌，亦對謝賢表現有讚冇彈。