為謝家懷有第二胎的張栢芝，名副其實旺夫益子，前晚謝霆鋒便憑電影《十月圍城》勇奪最佳男配角！預產期為五月的栢芝，雖然要安胎而未能親自撐場，但原來她早有準備，在家中準備一個大蛋糕，相當有心思！昨日栢芝接受本報電話訪問，仍難掩High爆心情，更透露當老公得獎時，興奮得想做出彈跳「危險動作」，卻因肚大如籮而作罷，可見栢芝對老公攞獎何其興奮！

梁家輝	栢芝表示為霆鋒準備大蛋糕慶祝，認真是廿四孝老婆。資料圖片	霆鋒昨日接受訪問分享感受。

栢芝說：「好開心，其實我想生完之後（霆鋒）先攞就更加好，因為個肚太大，跳唔起！（點樣慶祝？）我特登買咗個蛋糕，諗住比個驚喜佢，諗住攞獎固然要慶祝，攞唔到都安慰佢。」至於霆鋒昨日穿上西裝出席記者會，他坦言捧獎回家後，即與栢芝來個擁抱，他還得戚地說：「攞唔攞佢都要攬我o架啦！（四哥、拉姑有冇恭喜你？）我打畀佢哋就有，好冷淡，只係話『恭喜喎！』同埋幾時走呀（開工）？」

霆鋒勇奪最佳男配角，難掩興奮心情。

《十月圍城》雖然失落最佳電影一獎，但台前幕後仍心情大靚。

煩惱幫BB改名

問到得獎後會否加片酬？霆鋒說：「咁諗法係唔應該，我係因為鍾意拍戲而拍，唔係為錢而拍。（覺唔覺得攞得太遲？）唔覺，攞獎呢啲嘢好虛無，唔重要。」他表示在網上與朋友聊天時，不少朋友已祝賀他得獎，他說：「我話（攞獎）對我嚟講冇咩所謂，朋友話唔係，呢個獎係畀下一代睇，我當頭棒喝，依家贏咗賺咗係畀下一代嘅啟示。」他又考慮將獎座放在兒子Lucas的床頭。

現正忙於拍攝《新少林寺》的霆鋒，透露五月將拍王晶新片，屆時王晶會安排時間給他「陪月」，他說：「屋企人都唔會放過我啦！」他坦言正為即將出世的BB改名而煩惱：「我想要番L字頭或Cus尾音，諗到一個Marcus比較似，但仲要諗，中文名就更加未諗。」