八年前出道的傅穎（Theresa），有次經過賣香水的舖頭，被一股令其難以忘懐的味道吸引，結果買下第一支香水—Calvin Klein的Truth系列，自此每逢經過該類舖頭，她都會忍不住手購買，久而久之，至今已收藏數十支香水，還特別騰出玻璃櫃擺放。

深知「滴滴珍貴」的傅穎，穿高貴服飾時才會出動香水。

傅穎第一支買下的Calvin Klein香水，保存至今。

談到選擇香水時的要求，Theresa說：「我都唔知自己鍾意咩味，香水多數都係花味同水果味。花味入面，我就最鍾意玫瑰花味，不過我都好睇心情，有時就鍾意Sweet啲。」一支香水價錢大概數百元，她透露曾花費近千元買下心頭好，認真瘋狂！由於滴滴珍貴，所以只會穿高貴服飾時才會出動。

Theresa不會以價錢及賣相來衡量香水的價值，一心只着重「內涵」。為自己入貨同時，身邊友人也會受惠，她說：「我好鍾意送香水畀人，同埋我唔會求其買，我會為嗰個人搵隻適合佢個性嘅香水，So Far我啲朋友都好滿意，不過我就冇試過收香水禮物，做嘢品牌商送就另計啦！」

女兒香引仔埋身

喜愛噴香水的Theresa，對同類型的男士亦分外留意，亦曾有男士走到她身旁，大讚她身上的味道芳香，令她樂上半天。不過，她對噴上濃烈古龍水的男士非常畏懼，若碰上會立即退避三舍。