本文重點
扮嘢搞笑節目《荃加福祿壽》前晚錄影，阿姐汪明荃、王祖藍及阮兆祥等玩盡城中人物，祥仔扮「陳棍聰」自認「種蕉」，被自己的蕉皮跣親，全場笑爆！
扮嘢高手阮兆祥錄影無綫節目《荃加福祿壽》，戴上假哨牙及黐上光頭頭套扮「陳棍聰」，最令觀眾驚喜！祥仔在節目中唱出改了歌詞的《誰可改變》：「風水癡戀……有山窿要掘……同你合照開心影相，你真的靚絕……誰話我不愛人、愛錢……那千億美夢定變真……誰想討厭。」看得觀眾捧腹大笑。
其後阿姐出場，她自稱是一身「小忌廉」造型，甫出場便關心「陳棍聰」近況：「咁耐唔蒲頭呀？」祥仔答道：「我呢排喺屋企種嘢呀！種花、種田，不過種錯咗嘢，係種蕉，仲要畀啲蕉皮跣親！」事後祥仔被問到會否怕題材太敏感？他說：「冇嘢啩！都冇講乜，向來扮嘢都唔係醜化人，只求有共鳴同和諧。」
明踩亞視收視低
另外，節目開場時，擅長男扮女裝的王祖藍施展渾身解數，以一身誇張服飾扮「Lady Tiger」載歌載舞；李思捷則扮「張鐸友」唱歌，無論聲線及小動作皆似足歌神張學友。而阿姐在台上不忘寸亞視，她向「鐸友」笑說：「你之前部《72家租客》好收得，你梗係要多啲上嚟呢度啦！呢度收視起碼都過兩點啦！」其後祖藍、祥仔和思捷又擔大旗反串上陣，穿上吊帶裙「肉光四射」扮「Under Girls」熱唱Hit歌《Nobody》，艷光比陳爽和李亞男更「爆」！而嘉賓古巨基即興模仿盧冠廷唱腔唱歌，大顯扮嘢本色，又「古Sir」上身出IQ題考阿姐：「咩鷹最怕阿姐？」阿姐當然識答：「羅家英吖嘛！」
