徐濠縈昨日出席《Kate Moss for Longchamp展覽會》，對於老公陳奕迅（Eason）翻唱謝安琪（Kay）的《囍帖街》，她說：「我成日唱K都唱，唔值得大驚小怪，反而佢講哥哥（張國榮）叫佢戒煙比較感觸，佢好少甚至未試過喺台上喊，真係真情流露！（怕被炒作？）唔怕，你哋都知咩事，唱就要傳？好希望Kay嚟睇。（尷尬？）唔會，Eason同佢同公司成日見。（Eason咀舞蹈員？）太突然，趕唔切掩住囡囡對眼，但見佢又冇反應。」
此外，前晚Eason舉行第二場個唱，吸引周迅、林海峰夫婦及楊丞琳等捧場。Eason指在百貨公司遇到兩位花了近二千元才買到頭行門票的Fans：「你哋都知我不嬲都冇握手環節，你哋有所不知，我鍾意畀人摸。」隨即把背部對着觀眾，不少Fans伸手摸他。