羅嘉良息事寧人

對於何潤東與田亮在夜店遇襲，近年專注內地發展的羅嘉良表示，曾遇過類似情況：「試過有唔識嘅人叫飲酒，惟有飲少少囉！唔飲會尷尬，最重要係用平和態度去處理。」同樣長時間在內地拍劇的陳鍵鋒，亦會畀面飲兩杯：「內地人好鍾意飲酒，好多都係茅台或白酒等烈酒，有時都會飲一、兩杯，頂唔順就喺適當時候走。」

至於經常在內地工作的郭羨妮則表示，大多時間留在宿舍：「我最多係去附近嘅超級市場買嘢，但都會搵當地助手陪行，始終有個地頭蟲感覺好啲！」

23/03/2010