陳豪在台上自爆怕女人，問可有遇上刁蠻女友時即口窒窒，在旁的緋聞女友阿佘雖然偷笑，但亦有提水：「你阿媽囉！」二人在台上十分風騷，事後被問感情事，他笑言不想講太多，而阿佘雖自封「民主」，其實常向男友發脾氣：「同前男友意見不合，我可以走咗去！」

對於有傳藝人送禮博上位，阿佘說：「唔使回應，高層唔會收名貴禮物，我都係送平嘅飾物畀樂小姐（樂易玲）！冇送貴手袋，我只送畀阿媽！」同場的雯女更避談陳志雲：「唔好講呢啲，咁悶！不過公司冇叫封嘴！」而林峯則表示沒被ICAC要求助查：「冇送手袋呀！我仲欠人幾份禮物。」