20/03/2010

播放本新聞相關短片

爆炸堂:陳嘉容放「洋」學藝玩轉日本

名模陳嘉容近期好少露面,小小So有次去活動咁啱撞到佢,當然要即時同佢傾番幾句,問吓佢近期有乜新動向,陳嘉容亦滔滔不絕咁講吓近況,佢話雖然唔係成日出嚟,但搞自己嘢都忙到甩轆:「我最近學緊日文,一星期先上一堂,不過覺得唔係好夠,有諗過去日本學番三個月,實地學習,咁會學得快啲,依家度緊係咪可以抽到咁長時間出嚟!」

小小So仲八到陳嘉容最近成日自我增值,之前去咗學珠寶鑑證,所以小小So好奇問吓佢點解無端端去東洋學日文:「因為我好鍾意日本,成日都會去當地玩,但係我發現除咗東京之外,其他城巿啲人都唔係好識英文,好多時都溝通唔到。為咗去日本方便啲,所以想學日文,而且學多種語言,都係百利而無一害。」