阿Sa大前日在內地出席電影《美麗密令》發布會時，突然宣布與拍拖6年的鄭中基分手，有指他們06年秘密註冊結婚，其後阿Sa接受內地報章訪問時說：「其實我之前講過我已經單身，但大家都唔信！」對於盛傳與鄭中基已婚，阿Sa沒承認也沒否認：「我哋已經分咗手一段時間，我咁講係唔想各種各樣嘅猜測去破壞我同佢嘅美好回憶，呢啲係我同佢嘅事！」更拒回應鄭中基有否求婚，只強調自己沒有結婚打算。

拍拖6年的「Sa基」，最後分手收場。資料圖片	失戀的鄭中基攬着「如花」李健仁，面露悲傷表情。	鄧麗欣、梁詠琪、鄭中基及劉鎮偉到廣州宣傳新片。

嘗盡人情冷暖

訪問中，阿Sa提及兩年前，令她飽受人情冷暖：「當年有一個服裝品牌贊助我同阿嬌，但事後我向佢哋借衫，佢哋竟然話唔再借畀阿Sa，我好嬲！使唔使咁現實，太勢利啦！」她自言是個記仇的「天蠍座」，自此再沒有跟該品牌合作。另外，問到對陳志雲的印象，阿Sa說：「佢係一個有主見嘅人，做節目好好睇！」對於有藝人出席活動被「壓價」，阿Sa表示未曾遇到，更指工作不是為錢。

另一方面，鄭中基前日到廣州出席電影《越光寶盒》見面派對，一班內地影迷要求他大開金口獻唱，他即席獻唱多首經典國語金曲，而《越》片在全國開畫票房高收900萬元人民幣。