許志安、蘇永康、張衞健及梁漢文昨日表示，有留意陳志雲前日召開記者會，問到會否為好友錢國偉擔任智囊團？安仔指事件已進入司法程序，對方知道其心意已足夠，康仔說：「依家忙睇Playback，我哋想剪片做後期。」問到會否送碟予錢監製？張衞健即糾正說對方不是前監製，但會送碟予對方：「佢係義務幫手，佢係睇住我哋成長嘅同事同朋友！（聯絡？）有傳SMS，佢都有覆。」
曾獲錢國偉提攜做「四葉女」的楊秀惠，卻與對方劃清界線：「我同佢唔熟，只合作過一次。（私下聯絡？）冇！」她稱有留意陳志雲的新聞，但不方便說太多：「公司話呢個話題敏感咗啲。（公司同你哋訓話？）我睇到報道就會問公司，公司話唔關藝人事。」
另外，味之天使陳宛蔚透露最近曾與錢國偉聯絡：「佢把聲OK，話收到幾百個SMS慰問。」她表示曾約食飯，但對方以現在是敏感時期而婉拒。