型女黃伊汶（Emme）認為奢侈豪華的生活並不是以金錢去計算，不過在朋友的眼中，她手上價值數千元的手錶已是很「豪」，因為這隻手錶的主要用途並不是顯示時間： 「呢隻錶係我喺外國代理返嚟，係316 Stainless Steel（不銹鋼）做，有個水晶馬仔喺錶面， 好有質感，賣六千八百蚊，啲朋友覺得花幾千蚊買隻睇唔清時間嘅錶好奢侈，不過我正正鍾意睇唔清時間呢點，因為代表『快樂不知時日過』。」
Emme是手錶的代理，所以家中有很多「奢侈品」，不過在她心目中，豪的定義不是以金錢衡量：「我覺得盡情享受生活先算豪，唔需要理咁多，亦唔使時時刻刻都計較住，我都送咗好多錶畀唔同嘅朋友。」她的目的是希望大家與她感受及時行樂的重要性，以免將來後悔，而她亦受身邊人的遭遇啟發：「我工人嘅朋友打咗十年工，儲錢返印尼生活， 但不幸喺返到鄉下嘅第二日就過咗身。」