昨日天氣回暖，眾女各出奇謀，陳自瑤、熊穎詩及陳爽以傘子遮陽光，張嘉兒則撥扇，李姿敏、袁嘉敏和李綺雯卻打扮密實；反而劉倩婷則獲厚待，穿上維多利亞宮廷裝谷胸上陣，清爽之餘，性感程度冠絕全場，成功揮低師姐張嘉兒等。大合照時，劉倩婷站在當眼位置，張嘉兒則靠邊站，難怪劉倩婷表現風騷，笑容滿面，她說：「着呢條裙要紮腰。（谷胸？）紮咗腰自然會Push（谷胸），但我係真材實料。」

送禮最緊要心意

劉倩婷因為冇機會見到陳志雲，亦沒有對方的手機號碼，故沒有問候他，但不覺得公司混亂：「樣樣安排得好好，我都係做番港姐嘅嘢。」由於其家人開設茶餐廳，問到有否飲食優惠券？她說：「茶餐都係40蚊，成日叫人幫襯，無任歡迎。」她自稱守規矩，送禮最緊要心意。

張嘉兒則滿意一身的打扮，問到有冇送禮給高層？她說：「冇，最多送個SMS問候經理人。」另外，對於無綫分黨派，陳爽反應甚大說：「吓？係咩？如果係分黨派，我係中華小姐嗰堆。」