早前琦琦舉家去上海，佢之後同小小So講話好好玩，又話囡囡Ella仲開心到要寫日記記低等將來回味，琦琦說：「我爹哋買咗好多煙花畀Ella玩，佢又玩煙花又玩炮仗，小朋友有呢啲回憶都係好，佢仲開心到寫埋落日記度。」小小So即刻問佢會唔會睇囡囡嘅日記，琦琦話囡囡仲細，好多字都未識寫，之後會問我點寫：「依家咁細唔會有秘密，到十幾歲就未必畀我睇！」
琦琦又話為增加開心氣氛，派利是嘅時候會特意用唔同款式嘅利是封，入咗唔同銀碼嘅利是錢畀囡囡及小朋友一齊抽：「我入咗一萬蚊喺個Barbie利是封，其餘一千、一百蚊入落虎年利是封，因為個女鍾意Barbie，以為佢會抽呢封，點知佢因為虎年而抽虎年利是封，佢個朋友仔就揀咗Barbie，不過最緊要開心，邊個抽到都冇所謂。」