19/03/2010

播放本新聞相關短片

徐淑敏視女兒為太陽

本文重點
徐淑敏日前誕下女兒,老公黃浩長駐醫院貼身照顧老婆,徐淑敏指女兒笑臉像卡通太陽,自己首次餵人奶跟女兒作親密接觸,感動流淚!

去年徐淑敏(Suki)與黃浩(Kenny)結婚,今年即為黃家添新成員,本月15日在養和醫院剖腹誕下7磅女兒Vianna。老公Kenny為陪伴老婆,不惜長駐醫院,實行貼身照顧Suki兩母女,昨日Suki與BB女的合照曝光,Suki更向囡囡扮鬼臉。

談及生BB的感受,Suki說:「好開心!(第一眼見到BB有冇喊?)咁又冇,但我餵BB時覺得好親密,有感動到喊!BB笑嘅時候好可愛,好似卡通太陽咁!(餵人奶順唔順利?)唔同護士會教唔同嘅技巧,初初都要以奶粉輔助,依家只食人奶都夠飽!(傷口痛唔痛?)唔痛,我仲想快啲出院添!但醫生話要等埋拆線,睇吓情況點。」

復原快胃口佳

問到會否有衝動追多個?Suki笑言希望有仔有女,一切隨緣,不會給自己太大壓力。而Kenny透露Suki身體復原快,胃口佳,連焗豬扒飯也吃清光。據知,Suki今次入院分娩連醫生費約花6位數字。

影視組