鄭中基與蔡卓妍六年地下情，前日突然宣布告終，令兩人頓成追訪焦點，昨日Ronald與孫儷、鄧麗欣、梁詠琪及方力申在廣州出席電影《越光寶盒》記者會，記者聞風而至，Ronald願意在活動開始前接受訪問，談到有傳兩人分手原因是他花弗，Ronald說：「這個問題你問我，我梗係話唔係，呢啲你問番阿Sa啦！（係咪有第三者？）唔關第三者事，大家覺得咁樣好啲。」

鄭中基和孫儷在台上傾偈時強顏歡笑。	鄭中基表示與阿Sa分手是大家一致的決定。資料圖片	梁詠琪坦言做藝人很慘，私人問題都要向公眾交代。

早前有傳他跟楊穎（Angelababy）拍拖，問阿Sa是否因此向他提出分手？Ronald說：「好明顯呢個係電影宣傳。（邊個嘅電影宣傳？）我哋呢邊（《花田囍事2010》）。」

談到兩人傳婚訊，Ronald說：「到目前為止，私人嘢講得太多，之前傳分手然後傳結婚，引起太多無謂嘅揣測。（你唔否認結婚，咪仲會惹起更多揣測？）就係唔想有更多無謂嘅揣測，唔想啲新聞，傷害到佢同我，所以唔再回應。」

怕私事被解剖

Ronald和阿Sa前日夾口供指「因了解而分手」，問Ronald為何如此一致？他說：「呢個係我哋一齊嘅決定。（分手糾纏咗幾耐？）都分開一段時間，唔講咁多私人嘢，唔想將兩個人嘅私人事擺上枱畀人解剖。」面對傳媒追問，Ronald一直對答如流，當問到六年情告終會否感可惜時？他有所感觸，沉默數秒，眼眶通紅地說：「咁都係一齊決定，多謝大家咁關心。」當記者問到有否機會復合？他說：「唔答。」

活動開始時，在台上的Ronald明顯頹爆，仍有禮貌地為孫儷拉櫈及談天，傾偈期間亦有笑容，活動後，他接受內地媒體訪問，有記者問他：「你同阿Sa分手喎？」他說：「分開一段時間。」記者即指前日已經答了，他惟有以笑回應。

此外，阿Sa好友鄭伊健昨日被問到有關「Sa基」分手會否感到可惜？他說：「唔會，成個過程佢哋最清楚，開唔開心都係自己揀！（打電話慰問阿Sa？）唔會喇！見到面先啦！佢有需要自然會打畀我！」