陳慧琳（Kelly）：「陳志雲係好斯文、好有風度嘅男仔。（有傳佢慈善騷收貴酬勞？）好少做慈善騷仲會收酬勞，應該將酬勞捐埋去慈善機構，咁先叫慈善嘛！好似今晚咁，我都冇收酬勞。」
梁詠琪：「冇簽畀TVB，只係做過一次《志雲飯局》，同陳志雲唔熟。（有傳藝員送冬蟲草等禮物畀高層？）可能有人真係要補呢？但如果涉及不公平交易就梗係唔應該，但唔理真假都唔適宜妄下判斷。」
李克勤：「陳志雲係一個好好嘅朋友，冇人想見到呢種事情，睇完報道個心唔係好舒服，但唔方便作任何批評，咁樣對佢好唔公平。雖然佢係公眾人物，點都有人會批評佢，但我祝福佢冇事！」