鄭伊健昨日出席《護膚品牌MENARD「美肌運動學」》活動，據悉他跟Wilson於早年的兒童節目《430穿梭機》上認識，對於Wilson涉嫌貪污被捕，伊健即力撐好友，更自爆跟對方每天見面：「我有搵佢，佢冇乜嘢，亦冇乜講件事，都係傾吓近況！（有冇探過佢？）我哋日日都見，佢依家得閒嘛！」

「復工等無綫安排」

伊健坦言Wilson只是協助調查，故沒有太擔心對方：「未知成件事發生咩事，不過好多朋友支持佢，佢幾開心！」他透露Wilson以平常心對待事件，生活亦如常，期間伊健踢爆Wilson正處於放假狀態，何時復工則要待無綫安排：「佢應該休息吓，依家就當放假，未知幾時返工，要等無綫安排！」伊健自言跟陳志雲不太熟，故不方便作任何評論，但提到好友Wilson時即說：「我絕對相信佢！」

蕭定一：佢OK冇事

而大會昨日安排兩名小朋友上台歡迎伊健，伊健甫見其中一名小女孩即說：「我都想生番個！」但小女孩被閃光燈嚇得轉身落台，並大叫「媽咪」，場面十分搞笑！事後伊健否認想生BB，並反問記者：「我有咁講過咩？係都陳小春先啦！」

此外，與錢國偉友好的蕭定一說：「聽佢身邊啲朋友講，佢都話覺得自己OK冇事，咁佢都係受指示，老闆叫到唔通唔做咩？佢最多都係女色啫，但唔會做呢啲事！」