曾在棟篤笑中模仿陳志雲的表演界大師詹瑞文表示，有睇昨午的志雲記者會，他直言對方淡定慎重，卻欠缺昔日幕前風騷味道：「佢係好叻嘅PR、主持人同Entertainer，滿足到大家娛樂話題，例如因為剃損面戴口罩、買碌柚葉買一送一，唔理真定假都好有娛樂性，仲有最後嗰句金句『真的假不了，假的真不了』等於話畀人聽人在做天在看，公道自有分曉，事情To be continued（將繼續），但有啲奇怪佢點解會紆尊降貴睇公立醫院，唔睇私家，係咪喺度搞緊笑？佢刻意平淡、中肯去講嘢，但好唔自然，冇咗以前談笑風生、風騷味道。」