向來敢言的袁彌明及白韻琴，看畢陳志雲的記者會後即指他如做騷，袁彌明說：「佢個記者會都唔知做乜，好似做緊騷咁！可能佢知《志雲飯局》就快要停播，冇得再上鏡，所以用呢個方法去滿足自己。」她大膽地估計志雲擔心會變成過街老鼠，故特意以此記者會來鞏固形象。她又表示雖然他在記者會上的表現值得一讚，但過於虛偽：「如果佢係一個虔誠嘅基督教徒，主會打救佢，唔好再講嗰啲『真的假不了、假的真不了』！我知嘅事實就係佢被拘捕，佢講嗰啲咩莫名其妙嘅變化，講到好似唔關佢事咁！」
另外，袁彌明前晚跟蕭定一等於香港人網的節目《大娛樂家》大談陳志雲事件時頻爆料，她說：「年幾前，我朋友透過網絡見到陳總跳上阿Ed（叢培崑）屋企張床大叫，所以我哋圍內就知道咩事。」她表示曾聽聞有人見寧進於高層辦公室範圍，坐着志雲的大班椅用電腦打機。而白韻琴亦贈言陳總做戲好睇過《志雲飯局》：「正如佢所講，『真的假不了，假的真不了』，若然未報只係時辰未到！點都好，希望件事盡快水落石出，因為依家成個電視台變咗志雲台咁，希望唔好再繼續係咁。」白姐姐寄語陳志雲，希望他將工作分予其他藝員做，好讓觀眾多點選擇，不用只看他一人。