陳志雲失勢，外界盛傳「樂派」異軍突起，楊怡昨日為英國服裝品牌TED BAKER行時裝騷，以打頭陣及壓軸姿態出場。對於志雲昨日開記者會，她表示希望對方身體無恙：「希望佢冇事啦！（知唔知道區偉林將取代志雲？）區生？我好似見過佢，知佢係邊個。（怕影響工作？）我都係做自己嘢，每日拍劇做自己工作。」提到盛傳藝人送名貴禮物，楊怡笑說：「我送嘢至多送月餅！生日會我冇參與！相信高層都唔志在啦！」
另一「樂」派鄭嘉穎前晚邀請劇集《鐵馬尋橋》台前幕後食飯，問到被指「得寵」及「升呢」時，他即劃清界線說：「我係TVB黨！你哋咁講即係擺我上枱，我不嬲都冇理呢啲！最緊要做好本分，其他乜都係假，乜嘢派唔係自己分！」他又解釋只是劇組食飯，故沒有邀請樂易玲。問到無綫總經理繼任人選眾說紛紜，他表示誰出任也是一樣，因只會做好本分。對於接Job價錢被揭，他坦言工作性質若不同，收價都不一樣，故不可作準。
